ДОКАЗИ ВО ПРИЛОГ

1. Копија од решението за упис во Централниот Регистар со претежна дејност, вршење на превоз на патници во патниот сообраќај (не постаро од 60 дена);

2. Копии од сообраќајните дозволи на возилата регистрирани на име на фирмата, заверени на нотар или копија од договорот за лизинг склучен со овластен дистрибутер заверен на нотар, минимум 2 возила со 16+1 седиште;

3. Доказ дека располага со сопствен капитал од најмалку 3000 евра во денарска противвреност за прво возило и по 2000 евра за секое наредно ; ***

4. Потврда од надлежен суд дека не е во сила правосилна судска пресуда за кривично дело против имотот, стопанството или безбедноста во јавниот сообраќај( не постара од 60 дена);

5. Копии од обрасците М1/М2 за вработените возачи кај превозникот и список на вработени по обврзник ( не постар од 60 дена);

6. Копија од сертификатот за професионална компетентност за управителот на фирма, односно на овластено лице одговорно за превоз кое е во работен однос кај превозникот;

7. Копија од потврдата за исполнетост на посебните техничко-експлоатациони услови за моторните возила издадена од станиците за технички преглед на мотони возила;

8. Да има во сопственост капацитет за паркирање и одржување на возилата ,како и места за задржување на возилата кога тие не се користат или договор заверен на нотар за обезбедено право на користење на таков капацитет за најмалку 4 години.

Како доказ за располагање со сопствен капитал превозникот приложува минимум еден од следните документи:

- Потврда од надлежен орган за намирени јавни давачки спрема државата и платени придонеси за осигурување за последните шест месеци од денот на поднесување на барањето, не постара од 1 месец.

- Копија од билансот на состојба за претходната гоина издадена и заверена од централниот регистар на Република Македонија (завршна сметка) или,

- Доказ а сопственост на основни средства кои не се под хипотека или,

- Договор за наменски депозит во банка или,

- Банкарска гранција која грантира за финансиската стабилност на превозникот за времетраење на важноста на лиценцата во висината опрделена во точката 3(три), како и гаранција на возила под лизинг кои не се основни средства на фирмата.

Во случаите кога како доказ за располагање со сопствен капитал се приложува копија од билансот на состојбата,овој доказ превозникот е должен секоја година да го достави најдоцна до 30 април во тековната година за претходната година до органот надлежен за издавање на лиценцата.