Помош во натура ќе се доделува на лице жител на Општина Свети Николе или семејство чишто дом се нашол во положба на оштетување пради елементарна непогода (земјотрес, поплава, пожар и др.) или поради дотраеност/застареност на домот во коишто живее.

Под дом се подразбира – куќата, односно станот во кој живее барателот.

Паричната помош се доделува само за оштетени објекти, овој вид на помош не се доделува за викендици, помошни објекти, гаражи, штали, шупи.

Финансиската помош за поправка и оспособување на дом се доделува на социјално загрозени граѓани во следните случаи:

– поради невреме или елементарна природна непогода (поплава, пожар,земјотрес и сл.) или доколку домот е уништен не по вина на барателот (сообраќајна несреќа, несреќен случај и др.) и е потребно негово санирање, а барателот нема материјални можности тоа сам да го направи; и

– поради дотраеност/застареност на објектот се случило пропаѓање на домот и постои потреба од поправка и оспособување на истиот, а граѓанинот нема материјални можности тоа сам да го направи.

Висината на финансиската вредност на помошта во натура за санирање на дотраен дом од пропаѓање поради дотраеност/застареност се одобрува во висина најмногу до 40.000 денари, според приложена спецификација од стручна комисија за оспособување на објектот.

Финансиската вредност на помошта за оспособување и обновување на уништен дом поради невреме или елементарна природна непогода (поплава, пожар, земјотрес и сл.) или доколку домот е уништен не по вина на барателот (сообраќајна несреќа, несреќен случај и др.) се одобрува во висина најмногу до 60.000 денари, според приложена спецификација од стручна комисија за оспособување на објектот.

Во исклучителни ситуации висината на помошта во натура може да биде и повисока, а најмногу до 100.000 денари и тоа кога на барателот кој се соочил со елементарна и природна непогода и му е предизвикана штета од големи размери и тоа само за објекти наменети за домување.

Потребна документација:

- Барање за остварување на правото на еднократна парична помош;

- Фотокопија на важечки документ за идентификација (лична карта/пасош) на барателот;

- Записник или наод и мислење за утврдената состојба од претрпена природна непогода издаден од надлежен орган – ТППЕ, МВР или др. – само доколку оштетувањето се случило поради невреме или елементарна природна непогода (поплава, пожар,земјотрес и сл.) или станбениот простор е уништен не по вина на барателот;

- Решение или потврда за материјаланата и социјаланта положба од надлежна институција;

- (Уверение за состојба на остварен доход – од УЈП, за остварени годишни приходи по разни основи за претходната година или периодот за која има податок за баретелот и членовите на неговото семејство;

- Потврда дека се невработени или примаат/не примаат паричен надоместок како и за невработените членови на потесното семејство од АВРМ;

- потврда од ЦСР (за корисници на социјална помош);

- потврди за нето плата на секој член од семејството во последните три месеци (за вработени членови на семејството) како и потврда за пензија;

- извештај со утврдена проценка на штетата од Општинска комисија – овој документ по службена должност го прибавува Општина Свети Николе;

- Имотен лист за парцелата на која е поставен објектот на кој како сопственик е запишан поднесителот на барањето, или негов член на семејството или предмет за легализација, а за бесправно изграден објект потврда дека истиот е во процес на легализација;