Кон барањето се поднесуваат следните докази:

1. Доказ за идентификација на барателот, односно лицата кои се негови наследници според прописите на наследување (фотокопија од лична карта или патна исправа);

2. Договор за купопродажба на земјиштето;

3. Податоци за градежно земјиште (имотен лист од Агенцијата за катастар и недвижности);

4. Извод од урганистички план или урбанистичка планска документација со дефинирана градежна парцела согласно со Законот за просторно и урбанистичко планирање;

5. Геодетски елаборат за нумерички податоци со список на податоци за формирање на градежна парцела;

6. Уверение за историски преглед на извршените запишувања во Агенцијата за катастар на недвижностите за предметното градежно земјиште сопственост на РМ за периодот од кога е востановен катастар на земјиште во катастарската општина со идентификација на катастарската парцела и катастарската општина;

7. Известување од органот на државната управа надлежен за имотно правните работи на подрачјето каде се наоѓа градежното земјиште, дали за градежното земјиште има поведено постапка за приватизација и дали доколку е поведена истата е завршена;

8. Изјава заверена на нотар, во која лицето кое го користи градежното земјиште односно неговите законски наследници под морална, материјална и кривична одговорност изјавува/изјавуваат дека земјиштето го користат повеќе од 20 години, врз основа на договор за купопродажба склучен со поранешниот сопственик и

9. Административна такса во вредност од 1000,00 денари на примач:

Буџет на Република Македонија,

Народна Банка на Република Македонија,

Трансакциска сметка 100000000063095-840-165-03182,

Приходна шифра 722315-00,

со назнака „за стекнување на право на сопственост од поранешен сопственик“, (истата се уплаќа на налог-образец 50 во банка или пошта).