За да добиете Одобрение за доградба или надградба потребно е да ги доставите следните документи:

1. Основен проект (PDF/DWG формат со електронски потпис) со Извештај за ревизија на основниот проект (PDF формат со електронски потпис) или писмен Извештај со согласност за нострификација на основниот проект, доколку истиот е изработен во странство, како и позитивно Мислење за проектираниот степен на механичка отпорност, стабилност и сезимичка заштита на градбата

2. Идеен проект (PDF/DWG формат со електронски потпис) доколку истиот претходно е доставен и одобрен согласно со членот 48-а од Законот за градење

3. Доказ за право на градење:

Имотен лист со запишано право на сопственост или право на долготраен закуп или право на службеност на градежното земјиште, кој е составен дел на Геодетскиот елаборат за нумерички податоци за градежното земјиште

Договор за пренесување на правото на градење на предметното градежно земјиште

Договор за концесија или договор за јавно приватно партнерство

Одлука на Владата на Република Македонија со која државен орган, агенција или фонд основани од Владата на Република Македонија, правни лица во целосна или доминатна сопственост на Република Македонија или единица на локалната самоуправа се стекнале со право на градење

Договор со заедницата на сопственици на посебни делови на објектот или писмена согласност од мнозинството сопственици на посебните делови од објектот кои претставуваат повеќе од половината од вкупната површина на објектот со имотни листови за посебните делови на објектот, доколку се работи за доградба и надградба на згради во етажна сопственост

Одлука на Советот на општината доколку се работи за доградба и надградба на објект за кој е донесена одлука согласно со членот 67-а став (1) од Законот за градење

Изјава од инвеститорот со која истиот ќе потврди дека ја презема обврската да ги регулира имотноправните односи во текот на изградбата и дека истите целосно ќе ги регулира до поднесување на барањето за одобрение за употреба односно до подготвување на извештајот за извршен технички преглед од надзорен инженер, доколку се работи за изградба на линиски инфраструктурни објекти кои што се државни патишта, локални патишта и улици, водоснабдителни и канализациони системи железнички пруги, гасоводи и далноводи, продуктоводи, топловоди, нафтоводи, жичари, градби за производство на електрична енергија од обновливи извори системи за наводнување и одводнување, базени на ниво на терен за јавна употреба градби кои претставуваат заштитено недвижно културно наследство согласно со закон, како и за објекти за потребите на државни органи, агенции или фондови основани од Владата на Република Македонија и правни лица во целосна или доминатна сопственост на Република Македонија, а не се решени имотноправните односи за целата градежна парцела или

Имотен лист со запишано право на сопственост на Република Македонија, или конечно Решение за експропријација, или Имотен лист со запишано право на сопственост или право на доготраен закуп или право на службеност на градежното земјиште доколку се работи за изградба на линиски инфраструктурни градби, кој е составен дел на Геодетскиот елаборат за нумерички податоци за градежното земјиште

4. Геодетски елаборат за нумерички податоци за градежното земјиште.

5. Доказ за платена административна такса во износ 1.000,00 денари

6. Полномошно заверено од страна на овластен нотар

7. Податоци за градбата за потребите на ДЗС

Аплицирањето на документацијата за издавање на Одобрение за доградба или надградба се врши по електронски пат преку ИНФОРМАЦИСКИОТ СИСТЕМ Е-ОДОБРЕНИЕ ЗА ГРАДЕЊЕ